第二場 【《南國囡仔》轉來了後】 2023.8.19 下午兩點至下午四點 水交社敝墟書店 林益彰

2023/8/16  
  
本站分類:藝文

第二場 【《南國囡仔》轉來了後】 2023.8.19 下午兩點至下午四點 水交社敝墟書店 林益彰

活動名稱:【《南國囡仔》轉來了後】
開始日期:2023年8月19日(六) 下午2點至下午4點
現場地點:水交社敝墟書店(台南市南區興中街75號)
演講人:林益彰(台南作家) 林浪子
重要提醒
水交社敝墟書店「必須」穿著襪子才能進場,請來參加的各位不要忘了襪
 
你好,在下欲點1杯,有關南國囡仔的幌頭仔。
(囡仔的囡是囡,毋通目睭花花,囡仔看做囝。)
《南國囡仔》這四字,落尾手會當有啥物意解佮定位。
代先有人言語,《南國囡仔》是標指溪水南北的島嶼地理,也有人講南國這个號名,袂輸後殖民(si̍t-bîn)主義底的族群隱喻,閣較濟濟的人咧破說,彼是屬於臺灣的氣魄、臺灣人的聲嗽、臺灣國家的認捌認知。
阮只想欲輕可的拆寡話,《南國囡仔》,不而過是1本濟濟語言峇合的現代詩集,底有台語詩、羅馬字詩、客語詩閣佮華語詩,《南國囡仔》素素仔,不而過是1本詩集,1本行踏濟濟城市的地方紀錄詩爾爾。
(行踏的意思是捌踮遮蹛過作穡食頭路,毋是干焦佇電腦前凊彩影濫糝烏白看過)
恁好,阮這杯《南國囡仔》的幌頭仔,敢會當同你壘兌,轉去各人故鄉的意象,各人鄉里的腔口是啥款。
【《南國囡仔》轉來了後】有幾个命題想欲同你恁參詳
1.詩佮詩人貼底是啥物貨的卵白質生物
2.踮佇臺灣,詩人敢算是1種職業頭路
3.尪姨順話尾,假童害眾人,詩人專門做Sakura,恁敢有聽過
4.毛呼龜粿粽,紅包在你送,寫詩據在弄,恁敢有聽過
5.詩人伊是社會氣,準的,上轎的,抑是𡳞蔓人佇後壁食喙挽後筋縛肢骨仔
6.有關《南國囡仔》這个牌子的現代詩有啥物具體的表現
7.恁敢知影,敢意願知影,有人將詩佮詩人當做伊這世人的性命,下性命的性命
【臺語是我根骨,綴阮咧拚命,育飼我成勇,毋管按怎阮攏愛囥頭首。】
今日人氣:1  累計人次:36  回應:0

你可能感興趣的文章


登入會員回應本文

沒有帳號?